Yvirhøvur er veðrið mest sum tað sama um alt landið, men kortini eru ávís øki, sum bróta eitt sindur frá. Hagstovan hevur nú gjørt upp, hvussu veðrið er ymsastaðni í landinum. Og tað vísir seg, at har tað er heitast í miðal, er á Kirkju á Fugloynni, har miðalhitin er 6,9 stig.
Tað er 0,4 stig heitari enn miðalhitin er í Havn, tí har er hann 6,5 stig og í Akrabergi er hann 6,4 stig. Í teimum vestaru plássunum er eitt sindur kaldari, tí í Mykinesi er miðalhitin 6,1 stig og á flogvøllinum í Vágum, har tað er kaldast, er miðalhitin 6,1 stig.
Hagstovan hevur eisini gjørt upp, hvar tann mesti hitin er máldur, og verður miðaltalið tikið av tí, er tað eisini á Kirkju, at tað er heitast, tí har er miðalhitin av mesta hitanum níggju stig.
Í Havnini er miðalhitin av teimum heitastu árunum, 8,6 stig, men á flogvøllinum í Vágum, har tað annars er kaldast í miðal, eru eisini nakrir rættiliga góðir dagar, tí har er miðalhitin av teimum heitastu árunum átta stig. Í Akrabergi er hann 7,9 stig og í Mykinesi er hann 7,7 stig.
Men tað er eisini á Kirkju har tað er yvirhøvur er frægast um veturin tí verður miðaltalið tikið av teimum kaldastu árunum, er tað 4,8 stig á Kirkju á kirkju og 4,6 stig í Akrabergi. Á Flogvøllinum í Vágum er kaldast, tí verður miðalhitin tikin av teiumum kaldastu døgunum, er tað bara 3,9 stig á flogvøllinum, ella 0,9 stig kaldari enn á Kirkju.
Sum tað sæst á talvuni niðanfyri, er eisini á Kirkju, har tað eru fægst dagar um veturin við frosti
##med2##
