Seinnapartin fríggjadagin bjóða føroysku fólkatingsmenninir, Magni Arge og Sjúrður Skaale til ráðstevnu í Öström í Havn, har evni verður útlendingalógin og yvirtøkan av henni.
Samgongan hevur gjørt av, at føroyingar eisini skulu hava fult ræði á útlendingamálum, men fólkatingsmenninir vilja við ráðstevnuni fegnir fáa lýst, hvussu hetta verður betri enn verandi støða.
Millum annað vísa teir á, at nógv eru dømi um, at sera drúgva viðgerðartíð av umsóknum um uppihalds- og arbeiðsloyvi í Føroyum, men spurningurin er, um tað verður lættari, um vit sjálvi umsita útlendingamál, ella verður tað verri enn í dag hjá útlendingum at sleppa inn í landið.
Annar teirra, Sjúrður Skaale, greiddi í dag frá á Rás 2, hví Magni Arge og hann hava valt at tikið evni upp á ráðstevnuni fríggjadagin.
- Tey fimm árini er havi verið í Fólkatinginum, hevur tað verið næstan dagligani, at fólk hava ringt til okkum og spurt, kanst tú hjálpa við hesum og hasum, tí nú standa vit føst í systeminum, sigur Sjúrður Skaale, sum sigur at hetta rakar bæði einstaklingar, virkir og feløg.
Trýst á pílin fyri at hoyra samrøðuna við Sjúrð Skaale.
