- Verkfallið hjá Føroya Pedagogfelag verður frá mikudagin 03.01.2018 kl 08:00 hert til eisini at umfata allir limir hjá felagnum, sum starvast í fólkaskúlum, sernámi og forskúlum hjá kommununum.
Tað skrivar Pedagogfelagið í einum tíðindinaskrivi sent miðlunum fyri lítlari løtu síðani. Og Pedagogfelagið skrivar, at orsøkin er einføld.
- Herðingin kemst av manglandi virðing fyri sáttmálakrøvunum hjá felagnum, sum Fíggjarmálaráðið og Kommunala Arbeiðsgevarafelagið enn ikki hava tikið í álvara, skrivar felagið.
