Nær kunnu vit vænta, at allir landsins borgarar fáa teletænastu á sama høga stigi, sum felagarnir í miðøkinum?
Soleiðis ljóðar skrivligi fyrispurningurin frá Henriki Old úr Javnaðarflokkinum til Bjarna Djurholm, landsstýrismann í vinnumálum.
Í viðmerkingunum til fyrispurningin vísir Henrik Old á, at heilar bygdir, sum til dømis Dalur, enn ikki hava fastnetsambandið í lagi, men mugu í felag klára seg við eina telefonlinju. Heldur ikki ber til hjá fólki í Dali at fáa samband yvir GSM netið.
Henrik Old vísir eisini á, at internetsambandið er vánaligt í stórum parti av landinum, og at GSM-tænastan ikki er nøktandi í økjunum uttan fyri miðøkið.
? Tað kann ikki vera rætt, at fólk í til dømis Sandoynni og Suðuroynni skulu koyra langa leið fyri at fáa samband við umheimin, sigur Henrik Old.
