Arkitekturin Henning Larsen, sum eitt nú er kendur fyri Operaina í Keypmanahavn og Hørpuna í Íslandi, er fyrsti dani, ið hevur fingið heiðurslønina Praeminum Imperiale.
Henda heiðurslønin verður eisini kallað "nobel heiðurslønin innan list" og verður latin fólkum, ið hava eitt serligt íkast til menningina av list.
Føroyingurin Ósbjørn Jacobsen eigur í arkitektafyritøkuni Henning Larsen, sum altso hevur vunnið stórfignu heiðurslønina.
Í grundgevingini frá dómsnevndini stendur millum annað, at "Henning Larsens bygninger er som magasiner af dagslys."
Henning Larsen hevur eitt nú teknað donsku ambassaduna í Riyadh, tilbygningin til Ny Carlsberg Glyptoteket og Operaina í Keypmannahavn.
