Hemarin á myndini tók hjá Heina Weihe klokkan 11 í gjár, tá roynt varð eystur úr Borðuni í Nólsoy.
Í fyrstani trúði Heini, at hetta var ein ordans "bassi" og annar bátur, sum eisini royndi um somu leið, kom Heina til hjálpar.
- Av tí, at húkurin sat á aðrari uggafjøðurini, kom hemarin tvørur upp og føldist tískil nógv tyngri, enn hann í veruleikanum var.
www.fiska.fo skrivar, at hemarin varð diskvalifiseraður, tí eftir altjóða reglum skal húkurin sita framman fyri toknurnar fyri at telja við í eini kapping.
Hesin hemarin vigaði umleið 100 kilo, og tað tók Heina og hjálparfólki tveir tímar at fáa hann inn.
- Tríggir bátar royndu eftir hemara eystan fyri Nólsoynna í gjár, skrivar www.fiska.fo
