31 telvarar møttu til føroyameistaraheitið í snartelving, sum var hildið sunnudagin 28. desembur í Skúlanum við Løgmannabreyt, har Havnar Telvingarfelag var vertur.
Fleiri av sterkastu telvarunum vóru við, umframt Helga Dam Ziska, tann absolutt sterkasta í føroyskari telving. Hann lat heldur ongan iva vera um, at hann er stinnastur í Føroyum, skrivar Talvsamband Føroya.
Fyri fyrstu ferð (møguliga nakrantíð) vann Helgi FM í snartelving við fullum stigatali, 18 av 18! Og tá vóru sum áður nevnt, fleiri navnframir telvarar við í kappingini.
Á deildum øðrum plássi, men heili fimm stig aftanfyri, endaðu Rógvi Egilstoft Nielsen og Sjúrður Thorsteinsson við 13 stigum.
Ratingvirðislønirnar vunnu Jón Gregersen, Eli W. Finnson og Sámal Andrias Jacobsen.
