Helgi Abrahamsen hevur í dag tikið sæti á tingi fyri Alfred Olsen. Komandi dagarnar verður Helgi Abrahamsen av Strondum tinglimur fyri Sambandsflokkin. Hann hevur tikið sæti á tingi fyri Alfred Olsen, løgtingsmann, sum er í farloyvi.
Annars er tað Frithleif Olsen, sum er fyrsti varamaður hjá Sambandsflokkinum í Eysturoy, men hann hevur, vegna forfall, eisini biðið tingið um farloyvi.
Helgi Abrahamsen hevur seinastu 8 árini verið floksskrivari hjá Sambandsflokkinum.
