Atlantic Petroleum boðar frá, at framleiðslan í desember er 66.000 tunnur av olju.
Talan er um samlaðu framleiðsluna á Chestnut, Ettrick og Blackbird økjunum. Framleiðslan var ávirkað av vánaliga veðrinum í mánaðinum. Meðal framleiðslan um dagin var 2.129 tunnur.
Samlaða framleiðslan í 2013 var 720.000 tunnur, ið er heldur minni enn væntaða framleiðslan á 725.000 til 800.000 tunnur.
Høvuðsorsøkin til lægru framleiðsluna var steðgurin á Chestnut í november, tá ein fortoyðnings lína mátti umvælast, og at framleiðslan á Ettrick kom heldur seinni í gongd enn ætlað.
Men hóast lægru framleiðsluna heldur metingin av inntøkunum á 225 til 275 milliónir krónur.
