Níggju teir fyrstu mánaðirnar í ár var avlopið á íslendska handilsjavnanum eini tíggju prosent minni enn í sama tíðarskeiði í fjør.
Frá nýggjárinum til 30. september í ár útfluttu íslendingar fyri 512,6 milliardir íslendskar krónur, samstundis sum teir innfluttu fyri 423,1 milliardir. Avlopið var sostatt 89,5 milliardir krónur.
Umroknað til sama krónuvirði var avlopið níggju teir fyrstu mánaðirnar í fjør 98,2 milliardir íslendskar krónur.
