- Vit eru hørm um at boða frá, at eingin eplafestivalur verður í ár.
Soleiðis siga tey, ið standa aftanfyri eplafestivalin, sum í nøkur ár varð hildin í Trøðum á Sandi.
Og hetta siga tey á Facebook-vanganum hjá tiltakinum.
Eplafestivalurin var fyri mong eitt sera hugnaligt heysttiltak, sum eisini varð væl vitjað.
Men, nú eru nøkur ár síðan, at seinasti eplafestivalur varð hildin í Trøðum.
Á Sandi hava tey gjørt av, at ein rimmar marknaðardagur verður á Sandi leygardagin hin 21. oktober.
- Her eru øll vælkomin, og møguleiki verður at fáa fatur á øllum tí góða, sum oyggin hevur at bjóða.
Í Sandoynni er bæði kjøt og alskyns grønmeti, sum fólk kunnu keypa sær á marknaðardegnum.
Nærri verður greitt frá tiltakinum á Sandi, tá marknaðardagurin nærkast.
