Heitar hendur og geisandi hjørtu
Í vesalu kroysu
svangur, kaldur, skelvandi
stari innar í tómleikan
tøgnina
tað endaleysa myrkri
Harðveðurs norðanættin
glerpípur í homrum
nítur í mønu og merg
eingin fagnaðarljómur higar
á sveimandi veingjum
bert kann tevja
glæstriborgsins marglæti
og grammleikans eyðræning
ei tølur á
hungrandi, tráandi eygum
risastór flóðalda
skolandi aftur og fram
í stórlætisskálanum
skrálan, válan og gongd
marglæti og strongd
hvørva innar í
dagin í morgin dagin í gjár
ísakaldur, deyðanum nær
úr hesum ágirndarfylta heimi
innar í tann friðsæla
svøvnin
í fjarskuni
settur litum, í hvítum
nei, í droyrreyðum liti
droyrreyði stríðseingilin mikli
ósjónlig styrki í fylgi
nærkast í hvørjum
kemur á gátt hjá mær
innar í mín
neyðarsliga, kalda heim
Statt upp! Fylg mær!
gang í fótasporum mínum!
Skoða! og tú vilt sjá
hvar kærleikin, eyðmýktinSólmundur Joensen, des.-2011
og tøkkin valdar
birta vón har vónloysi ræður
úti á berajól
veita teim á skuggasíðu lívsins
troyst, linna og styrki
eina livandi vón í vónloysinum
heitu hendurnar brennandi hjørtu
tær skapandi, livandi menniskjurnar
geva lívinum innihald
spreiða gleði, styrki og kraft
til gomul, sjúk og brekað
teim ósjónligu í samfelagnum
í eyðmýkt
bera tey á veingjum
ei hetta kaldir heilar fata
hesi mongu ei síggjast
í samkomum, kirkjum
men tó kærleikans hirðar
geisandi hjørtu tey røkta
bera tey fram á leið
lívga og fjálga
teim veita styrki og vón
droyrreyði stríðseingilin mikli
ber meg úr stað í stað
sýnir mær allar hesar
mongu og fjølbroyttu
stríðsfúsu og heitu hendurnar
- fólkið á gólvinum-
ólík grammleikans køldu, hørðu trá
og sjálvsóknisheiðursgirndini
sjá kærleikans geisandi brand
hevjum stríðskyndilin hátt!
Ja, sanniliga eg vil tær fylgja!
Ganga í tínum fótasporum!
Ei hetta kaldir heilar fata
---------
Sølmundur
