Seinasta nátt var so mikið heit í Danmark, at fyri triðju ferð í ár var náttarhitin oman fyri 20 stig. Harafturat var seinasta nátt tann heitasta tey seinastu fýra árini. Á Langø, sum er beint vestan fyri Lolland, fóru hitamátarnir onantíð niður um 21,6 stig í nátt, og nógva aðrastaðni kring landið fór hitin ikki niður um 20 stig.
Tá so er, rópa danir tað tropunátt, og sum skilst var seinasta nátt tann heitasta síðani 2006. Eisini ta ferðina var mesti náttarhitin 21,6 stig.
Metið er kortini nakað eldri. Tað er frá 26. august í 1997, tá náttarhitin á Christiansø var 23 stig og enntá tvær nætur á rað.
