Grundspælið í donsku 2. deild - triðbestu deildini - er liðugt, og Fremad Amager hevur vunnið seg væl og virðiliga víðari til uppflytingarspælið, sum verður komandi vár.
Bæði Heini Vatnsdal og Finnur Justinussen vóru á vøllinum frá byrjan, tá Fremad Amager vann ein knúsandi 4-0 sigur á liðnum, sum Julian Johnsson venur, Svendborg. Støðan í steðginum var 3-0. Nicolas Mortensen skeyt tvey mál, meðan Johannes Blak Madsen og Malte Meier Carlsen syrgdu fyri hinum báðum málunum.
Christian Lamhauge Holst var ikki við Fremad Amager í dag.
Fremad Amager tekur 10 stig við sær í uppflytingarspæli. Fýra tey bestu liðini í hvørjum av teimum trimum bólkunum í 2. deild taka innanhýsis stigini við sær til uppflytingarspælið.
Støðan í uppflytingarbólkinum, sum spælir komandi vár sær soleiðis út :
Brabrand 6 dystir – 13 stig – málmunur 12-9
Frem 6 dystir – 11 stig – málmunur 8-6
Thisted 6 dystir – 10 stig – málmunur 14-8
Fremad Amager 6 dystir – 10 stig – málmunur 10-10
HIK 6 dystir – 9 stig – málmunur 3-3
AB 6 dystir – 8 stig – málmunur 4-4
Hvidovre 6 dystir – 7 stig – málmunur 4-3
Brønshøj 6 dystir – 7 stig – málmunur 6-7
Marienlyst 6 dystir – 6 stig – málmunur 12-13
Aarhus Fremad 6 dystir – 6 stig – málmunur 8-11
Middelfart 6 dystir – 6 stig – málmunur 8-14
Nykøbing 6 dystir – 5 stig – málmunure 9-10
