Heini Vatnsdal fekk ein ordans umgang, tá ið hann og liðfelagarnir sunnudagin vunnu 1-0 ímóti Skive í næstbestu donsku deildini.
Føroyski verjuleikarin fekk stutt áðrenn hálvleik ein fót beint í høvdið. Tað gjørdist skjótt greitt, at hann ikki var førur fyri at halda fram, og hann varð tískil útskiftur.
Tað sær ikki so hugaligt út á myndini, men Heini sigur í samrøðu við Fremad Amager TV, at tað er á einari góðari leið.
Hann sigur, at hann hevði høvuðpínu tann dagin tað hendi, og at hann nú saman í samráði við lækna skal útvega eina masku, sum hann kann spæla við vónandi longu næsta dyst.
