Heimsmet í ketudansi varð sett á ólavsøku í ár, og tað við fleiri 1000 fólkum. Tað ivast Heðin Mortensen, borgarstjóri í Havn, ikki í.
Enn er metið tó ikki skrásett av Guiness World Records, tí tey kravdu at hava nøkur umboð til staðar á ólavsøku, sum Tórshavnar kommuna skuldi rinda fyri. Hetta hevði kostað kommununi 100.000 krónur, og tá skotbráið var so mikið stutt, valdi kommunan ikki at fáa eftirlitsfólkini hjá Guiness henda vegin.
Tískil er metið heldur ikki skrásett. Heðin Mortensen sigur, at nú kannar kommunan, um metið kann góðkennast á annan hátt, eitt nú við at brúka dokumentatión frá frá alment góðkendum miðlum, sum vóru til staðar undir dansinum.
Eydnast tað ikki, er ætlanin at fáa fólkini frá Guiness at koma til ólavsøkuna næsta ár.
