Enzo Fernandez bleiv valdur til besta unga spælara til HM-endaspælið í Katar. 21 ára gamli argentinski miðvallarin spælir við Benfica í Portugal, men søgan sigur, at Chelsea eru til reiðar at rinda næstan eina milliard krónur fyri HM-vinnaran.
Enzo Fernandez hevur longu áðrenn HM-endaspælið verið settur í samband við eitt skifti til eitt nú Premier League, men hann hevur bara spælt í Benfica í eitt hálvt ár. Tí var mett, at miðvallarin fór at spæla kappingarárið liðugt við Benfica, men Chelsea sigst vilja tað øðrvísi.
Bretskir miðlar skriva, at Enzo Fernandez hevur biðið um ikki at verða ein partur av hópinum til komandi dyst, tí hann ynskir eitt skifti til Chelsea. Benfica kann standa ímóti, men bara til at boðið kemur upp í móti milliardini, tí so má Benfica lata hann fara. Tað stendur í sáttmálanum.
Í Benfica sigast áskoðararnir vera ónøgdir við, at heimsmeistarin ikki vil lata seg fagna saman við teimum og spæla kappingarárið liðugt. Hinvegin er eitt yvirskot á næstan 900 milliónir krónur ikki so galið fyri ein spælara, sum kom til felagið fyri einum hálvum ári síðani.
| 1 | Arsenal | 16 | 14 | 1 | 1 | 40:14 | 43 |
| 2 | Manchester City | 16 | 11 | 3 | 2 | 44:16 | 36 |
| 3 | Newcastle | 17 | 9 | 7 | 1 | 32:11 | 34 |
| 4 | Manchester Utd | 16 | 10 | 2 | 4 | 24:20 | 32 |
| 5 | Tottenham | 17 | 9 | 3 | 5 | 33:25 | 30 |
| 6 | Liverpool | 17 | 8 | 4 | 5 | 34:22 | 28 |
| 7 | Brentford | 18 | 6 | 8 | 4 | 30:28 | 26 |
| 8 | Fulham | 17 | 7 | 4 | 6 | 29:27 | 25 |
| 9 | Chelsea | 16 | 7 | 4 | 5 | 20:18 | 25 |
| 10 | Brighton | 16 | 7 | 3 | 6 | 28:24 | 24 |
| 11 | Crystal Palace | 16 | 6 | 4 | 6 | 17:21 | 22 |
| 12 | Aston Villa | 17 | 6 | 3 | 8 | 19:25 | 21 |
| 13 | Leicester | 17 | 5 | 2 | 10 | 26:30 | 17 |
| 14 | Leeds | 16 | 4 | 4 | 8 | 23:29 | 16 |
| 15 | Bournemouth | 17 | 4 | 4 | 9 | 18:36 | 16 |
| 16 | Everton | 17 | 3 | 6 | 8 | 13:20 | 15 |
| 17 | West Ham | 17 | 4 | 2 | 11 | 13:22 | 14 |
| 18 | Nottingham F. | 17 | 3 | 5 | 9 | 12:34 | 14 |
| 19 | Wolves | 17 | 3 | 4 | 10 | 10:26 | 13 |
| 20 | Southampton | 17 | 3 | 3 | 11 | 15:32 | 12 |
