Landsliðsvenjarin hjá sponsku heimsmeistarunum, Vicente del Bosque, hevur úttikið 21 mans, sum kunnu gera seg galdandi til EM-endaspælið í summar. Enn hevur hann tó ikki úttikið leikarar úr FC Barcelona og Athletic Bilbao, eftirsum hesi liðini spæla steypafinaluna 25. mei.
Við í fyribils hópinum eru tveir leikarar, sum kunnu fáa sín fyrsta dyst á spanska landsliðnum. Talan er um teir báðar Benat Etxebarria úr Real Betis og Javier Garcia úr Benfica.
Spania spælir seinni í hesum mánaðinum venjingardystir ímóti Serbia og Suðurkorea.
Teir, sum higartil eru úttiknir, eru:
Málverjar: Iker Casillas (Real Madrid), Pepe Reina (Liverpool), David De Gea (Manchester United)
Verjuleikarar: Jordi Alba (Valencia), Raul Albiol (Real Madrid), Alvaro Arbeloa (Real Madrid), Alvaro Dominguez (Atletico Madrid), Sergio Ramos (Real Madrid), Ignacio Monreal (Malaga), Juanfran (Atletico Madrid)
Miðvallarleikarar: Santiago Cazorla (Malaga), Xabi Alonso (Real Madrid), Isco (Malaga), Benat Etxebarria (Real Betis), Javier Garcia (Benfica), Bruno Soriano (Villarreal)
Áleyparar: Alvaro Negredo (Sevilla), Roberto Soldado (Valencia), Jesus Navas (Sevilla), Adrian Lopez Alvarez (Atletico Madrid), David Silva (Manchester City)
