Granskarar hava verið bangnir fyri, at risastóra Wallace býflugan var útdeyð. Men nú er hon afturfunnin fyri fyrstuferð í 38 ár.
Ein bólkur av granskarum hevur funnið heimsins størstu býflugu, ið ikki er sædd síðai 1981.
Dr.dk ber tíðindini frá The Guardian og The New York Times.
Býflugan sigst vera á stødd sum tummilfingurin á vaksnum persóni, og veingjabreiðið er eini seks sentimetrar.
Í januar funnu norðuramerikanskir - og australskir granskarar býfluguna í einum indonesiskum oyggjabólki.Ein myndamaður í granskarabólkinum sigur, at tað var einastandandi at síggja, og hoyra veingirnar flaksa, tá stóra býflugan fleyg framvið, - hendan, býflugan, sum teir ivaðust í, um var til ella útdeyð.
Tað er ein eisamøll býfluga, ið er sædd. Hetta býfluguslag varð uppdagað í 1858, og var hon tá sædd av bretska náttúrugranskaranum Alfred Russel Wallace. Tá gingu aftur meria enn 100 ár, til granskarar aftur funnu hesa býfluguna í 1981.
Nú er hetta stóra býfluguslag so aftur funnið, 38 ár seinni.
