Eingin fótbóltskapping kann samanberast við Champions League. Hetta er størsta og besta kappingin fyri europeisku feløgini, og tað er har, at teir bestu spælararnir í heiminum av álvara sleppa at royna seg.
Í summar hava trý innleiðandi umfør verið til Champions League, og B36 spældi við í tveimum av umførunum. Nú eru so klárt at fara undir sjálvt bólkaspælið, og í kvøld verða fyrstu dystirnir spældir.
Millum dystirnar, sum eru á skránni í kvøld, eru PSV-Liverpool, Chelsea-Werder Bremen og Barcelona-Levski Sofia. Í annaðkvøld spælir FC Keypmannahavn sín fyrsta dyst í Champions League, tá ið Benfica vitjar í Parkini.
Danska Viasat sendir frá dystunum í Champions League, og tað gera teir á fleiri rásum. Hvørt týskvøld og mikukvøld verður nógv gjørt burtur úr kappingini á TV3+, og aðrir dystir verða sendir á Viasat Sport og Viasat Xtra rásunum.
TV3+ sæst millum annað á Televarpinum.
