Heimasigrar til tvey føroyingalið í næstbestu donsku hondbóltsdeildini

Talan gjørdist um ein góðan dag hjá føroyingaliðunum í næstbestu donsku hondbóltsdeildini hjá monnum.

Liðið hjá Leivi Mortensen og Jónasi G. Djurhuus, FIF vann á heimavølli á Frederiksberg 29-23 á Otterup. Serliga í fyrra hálvleiki lá væl fyri hjá FIF, ið var á odda 15-8 í steðginum. 

FIF vann seg uppum niðurflytingarstrikuna við sigrinum. FIF hevur 12 stig á fjórðaftasta plássinum í deildini.

Brandur Halgirsson og liðfelagarnir í Team Sydhavsøerne vunnu á heimavølli 31-29 á Skive. Í steðginum var Skive á odda 16-15. 

Team Sydhavsøerne er nummar fýra í deildini við 17 stigum, einum stigi færri enn Skive.'