Tíðindaskriv
Landsstýrismaðurin í almanna- og heilsumálum hevur sett Trivnaðar-og heilsuráðið.
Tey sum eru sett eru:
Jona Nielsen, fyristøðukvinna á Klaksvíkar Sjúkrahús ? fyri heilsuøkið.
Jákup H. Foldbo, stjóri fyri Heimarøktina og Petra Joensen, stjóri fyri Almannastovuna ? fyri almannaøkið.
Jens Marius Poulsen, kommunustjóri ? fyri kommunurnar.
Jens Muller, lærari, Vágur ? fyri brúkararnar.
Mia Pedersen, Vestmanna ? við serligum innliti í almanna- og heilsuviðurskift.
Landsstýrismaðurin hevur avgjørt at seta Miu Pedersen sum formann í ráðnum og verður Jákup H. Foldbo næstformaður.
Sambært løgtingslógini, skal ráðið gera eina útgreining av føroyska almanna-og heilsuverkinum og gera uppskot til eina langtíðarætlan fyri føroysku vælferðartænastuna.
Limirnir í Trivnaðar-og heilsuráðnum útgreina arbeiðssetningin saman við landsstýrismanninum.
Trivnaðar-og heilsuráðið skal lata landsstýrismanninum álit við tilráðing í seinasta lagi 31. desember 2001.
Í hesum sambandi skal verða sagt frá, at Almanna-og heilsumálastýrið tilevnar eitt lógaruppskot at leggja fyri Føroya Løgting, um at fáa hesa freist longda til 31. desember 2002.
Skrivari til Trivnaðar-og heilsuráðið verður settur ein av fyrstu døgunum.
