Heili 19 korona-tilburðir afturat í gjár

Landslæknin veit ikki, hvussu øll eru smittað

 

Í gjár vórðu heili 19 nýggir tilburðir av koronu staðfestir afturat. Tað vísa nýggjastu tølini hjá Landslæknanum. 

Hann sigur, at 17 av teimum eru partur av smittuketu, sum Landslæknin fylgir. Men í løtuni er tað óvist, hvussu tvey fólk, ið bæði búgva í Føroyum, eru smittað. Men tey  eru øll avbyrgd, og Landslæknin er í gongd við smittusporingina.   

Í gjár vórðu 1270 kanningar gjørdar, og allar kanningarnar eru liðugt greinaðar. Í alt eru 196.479 kanningar gjørdar.

Tilsamans hava nú 601 fólk fingið staðfest smittuna í Føroyum. Í alt eru 535 fólk staðfest frísk aftur, og sostatt eru 66 fólk smittað í løtuni. Eitt fólk  er innlagt á Sjúkrahúsverki Føroya við koronu.