Í dag hava avvarðandi partar undirskrivað skeytið fyri bygningin Kerit, har viðgerðarstovnurin Heilbrigdi fer at halda til.
Tað var ein hátíðarlig og hugnalig løta nú seinnapartin, tá ið umboð fyri Fransiskanarasystrarnar vóru til staðar at skriva undir skeytið.
Harumframt vóru umboð eisini frá Advokatfelagnum, Landsverki og Heilsumálaráðnum.
Í næstum verður farið undir at gera bygningin kláran til virksemi hjá Heilbrigdi.
Tað er at fegnast um, at Heilbrigdi fær góð og hóskandi hølir til týdningarmikla arbeiði, skrivar hmr.fo, og har eru eisini fleiri myndir at síggja.
