Ein vøkunátt í Ribarhúsi
Set teg niður í Ribarhúsi
og blunda eina vøkunátt.
Lat tín huga fara um skuggarendur -
taka um Lorvíksfjall, Tyrlarnar , Kamb
Gjógvaráfjall, Blábjørg
Hestin, Slætnafjall, Tjóðafellið, Brosmutúvuna
Húsafellið, Borgina og Eysturskarð.
Far við tínum hondum
og nem við andlitsbrøgd
í skarðlendi , torvum, flotkeldum
bergi, skorðum, steinamosa og
Eliasarkonu og í Ryskihjalla.
Hetta er títt skriftmál, Bárður Jákupsson.
Ja, tað er eitt undur,
at tú sært hetta
eina vøkunátt í Ribarhúsi.
Tað vætir undan tínum hondum
Í vatnlitsmyndum.
Vætan dreiv
úr Kirkjugjógv,
Botnsbrúgv, Gráubrúgv og Svartakletti.
Hetta inniliga strok
livir á veggum í Ribarhúsi
og neglir seg fast í huga og sál
sum skyggjandi stál
og morlittur mosagróður
um heygar, gil og vál.
-----
Frits
