Gamla HB húsið í Gundadali, sum seinastu árini hevur verið nevnt Bridgehúsið, verður nú tikið burtur. Tað var í sínari tíð bygt niðan fyri fótbóltsvøllin í Gundadali, sum nú verður nevndur niðari vøllur.
Sum Tórshavnar kommuna skrivar – »Men hetta er jú gamla HB-húsið, sum HB’arar í sveittabroti bygdu mitt oman á Havnará í sekstiárunum.«
Her hava nógvir góðir menn hildið til, her eru nógvir sigrar komnir í hús – og tað sást aftur í morgun, tá borgarstjórin skuldi standa fyri niðurrívingini av húsinum.
Hópatals gamlir HB’arar vóru møttir at gráta og flenna og reypa og at siga gamla húsinum farvæl.
– Ein góð og hugnalig løta, nú nýtt Bridgehús er komið upp hinumegin vegin, og gamla HB-húsið verður partur av stásiliga nýggja og opna torginum uttan fyri Tórsvøll, skrivar Tórshavnar kommuna.
Á bólkinum »Fyri tey sum halda við HB« á Facebook skriva tey soleiðis:
So varð sagt farvæl við gamla HB-húsið í morgun. Meðan HB helt til her, vórðu meistaraheitir í bestu mansdeildini vunnin í 1971, 1973, 1974, 1975, 1978, 1981, 1982, 1988 og 1990.
Eisini vann HB steypakappingina í 1971, 1972, 1973, 1975, 1976, 1978, 1979, 1980, 1981, 1982, 1984, 1987, 1988, 1989 og 1992, áðrenn flutt varð í verandi HB-hús í 1993.
Tilsamans 9 meistaraheitir og 15 steypakappingar
Myndir: Tórshavnar kommuna
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
