Tað er ikki á hvørjum degi, at 10 ára gomul biða um fund við borgarstjóran. Men 10
ára gamla Tórunn G. Mohr kom sjálv at handa borgarstjóranum eitt skriv við áheitan
um at hava skoytibreytina opna einar tvær vikur eyka.
Heðin Mortensen sigur í aftursvari til 10 ára gomlu Tórunn, at hann heldur onga orsøk verða til at nokta hesum fyrispurningi.
- Hví ikki, spyr Heðin Mortensen.
Nú sær út til, at unga Tórunn fær sín vilja, og sleppur at skoyta tvær vikur meira í ár.
Brævið til borgarstjóran var soljóðandi:
?Góði Heðin, borgarstjóri
Túsund takk fyri skoytibanan. Eg eri sooo glað fyri at hann kom og haldi, at hetta
er tað besta sum er at fara til í Havn. Eg havi verið har næstan hvønn tann einasta
dag.
Eg vildi ynskt at tú kundi latið hann verðið longri opin, kansta tvær vikur eyka.
Pápi mín sigur, at veðrið í apríl ofta er kalt men turt, so tað hevði verið
soooooooo lekkurt.?
Kærar heilsur
Tórunn G. Mohr, 10 ár
