Fótbóltur
B36 tykist í løtuni at standa uttan venjara til Formula-liðið.
Fyrsta partin av fyrireikingunum til komandi kappingarár hevur Heðin Askham staðið fyri venjingunum, og tað varð roknað við, at Heðin eisini skuldi halda fram í sessinum, sum hann setti seg í fjør. Og har tey flestu vóru á einum máli um, at hann framdi eitt serstakliga gott arbeiði.
Sum skilst hava partarnir tó ikki rokkið nakrari semju, nú tosað hevur verið um nýggjan sáttmála, og tí er í løtuni óvist, hvør verður venjari hjá Formula-liðnum hjá B36 í 2009.
