HB venjarin ásannar at FM er á veg til Klaksvíkar

Tað er ein ógvuliga fegin KÍ venjarin, sum eftir síðsta bríksl hitti Trónd Arge, sum segði frá toppdystinum á FM1:

-Vit vunnu síðst ímóti Víkingi, og í kvøld vunnu vit ímóti HB. Hetta eru teir báðir størstu avbjóðararnir hjá okkum í FM stríðnum. Tí sigur tað seg sjálvt, at støðan hjá okkum er heilt góð, og tað skal ganga nógv øðrvísi tað, sum er eftir at kappingini, enn tað hevur gjørt higartil, um vit ikki skulu vinna FM. Men tað er neyðugt hjá okkum at halda fokus á rætta stað, og tað duga spælararnir væl. Vit høvdu meiri tíð at fyrireika okkum til henda dystin, enn HB hevur havt, tí HB hevur verið í Europa. Vit hava fyrireikað okkum sera væl – bæði á vøllinum og frammanfyri taktiktalvuni – og tað sást væl á vøllinum í kvøld, tí spælararnir vístu aftur og aftur, at teir dugdu at fáa nyttu úr tí, sum vit hava vant, sigur væl nøgdi KÍ venjarin.

HB venjarin ásannar, at nú er spenningurin um FM burtur:

-Vit kunnu ikki siga annað, enn at KÍ var greitt omaná. Tað var í fyrra hálvleiki, at vit taptu dystin, tí tá var KÍ væl betur, enn vit vóru. Tá spældu vit ikki væl, men eftir steðgin var talan um meiri javna uppgerð. Nú snýr tað seg um hjá okkum at standa okkum so væl í landskappingini, sum tað ber til, og so er hava vit steypakappingina at hugsa um. Har hava vit møguleika at vinna gull, og tað ætla vit okkum at gera, sigur Kevin Schindler HB venjari.

Sunnudagin 22. august

KÍ – TB

ÍF – 07 Vestur

Víkingur - HB

NSÍ – EB/Streymur

B36 – B68