Steypavinnararnir í HB vunnu einki, tá ið teir í kvøld vóru á Eiði. Teir rigga nú tilt at fara úr Hólmanum við 1-0 tapi.
Í kvøld vann Víkingur 1-0 á Skála. Sigursmálið skoraði Sølvi Vatnhamar, tá ið tað bara restaði ein lítil løta.
Úrslitini í kvøld bera við sær, at Víkingur nú er á fjórða plássi við 45 stigum, meðan HB er á fimta plássi við 44 stigum.
Leygarkvøldið vann HB steypafinaluna ímóti Víkingi. Tað ber við sær, at HB hevur tryggjaåð sær pláss í Europa næsta summar.
Um Víkingur skal vinna sær pláss í Europakappingini, so skal Víkingur vinna í minsta lagi triðja ploássið. Í løtuni er NSÍ á triðja plássi við 51 stigum. Víkingur skal við øðrum orðum vinna seks stig fleiri enn NSÍ í fýra teimum síðstu umførunum.
Ragnar Samuelsen, sum EB/Streymur í summar leigaði í B36, skoraði einasta málið í Hólmanum á Eiði í kvøld. EB/Streyma sigurin ber við sær, at EB/Streymur flytur fram á áttanda plássið við 15 stigum. Hetta er sama stigatal sum AB, men argjamenn hava verri málmun enn EB/Streymur. Tí er AB á níggjunda plássi.
Hetta var annar sigurin hjá EB/Streymi í fýra dagar. Sunnudagin vann EB/Streymur 3-2 í Fuglafirði.
Skála er á sætta plássi. Hetta var triðju ferð í ár, at Skála tapti við einum máli ímóti Víkingi. Fyrri dysturin á Skála endaði við 3-2 sigri til Víking, og dysturin í Gøtu endaði 2-1 til Víking.
EB/Streymur - HB 1-0 (0-0)
1-0: Ragnar Samuelsen
Skála - Víkingur 0-1 (0-0)
0-1: Sølvi Vatnhamar
| B36 | 23 | 18 | 2 | 3 | 46 | 18 | 56 |
| KÍ | 23 | 17 | 3 | 3 | 50 | 23 | 54 |
| NSÍ | 23 | 16 | 3 | 3 | 58 | 25 | 51 |
| Víkingur | 23 | 14 | 3 | 6 | 46 | 31 | 45 |
| HB | 23 | 13 | 5 | 5 | 55 | 23 | 44 |
| Skála | 23 | 8 | 1 | 14 | 23 | 30 | 25 |
| TB | 23 | 5 | 4 | 14 | 18 | 45 | 19 |
| EB/Streymur | 23 | 4 | 3 | 16 | 22 | 51 | 15 |
| AB | 23 | 4 | 3 | 16 | 23 | 57 | 15 |
| ÍF | 23 | 1 | 3 | 19 | 21 | 66 | 6 |
24. umfar
Sunnudagin 29. september - á mikkjalsmessu
KÍ - ÍF
NSÍ - Víkingur
B36 - HB
AB - Skála
TB - EB/Streymur
