Í VFF kappingini hittust HB og KÍ á middegi í dag á ovara vølli í Gundadali.
Tað var nógvur vindur, og í fyrra hálvleiki høvdu gestirnir vindin undan. Tað nógva gekk tá fyri seg á HB hálvuni, men tað eydnaðist ikki klaksvíkingum at fáa bóltin í í HB málið.
HB hevði onkra góða atsókn í fyrra hálvleiki, og eftir steðgin, tá ið heimaliðið hevði vindin undan, gekk tað mesta fyri seg á hálvuni hjá KÍ. Tá eydnaðist tað HB at skora eitt mál. Stefan Radosavljevic fekk úr stuttari fjarstøðu bóltin framvið Meinhardt P. Joensen, sum í dag vardi KÍ málið.
HB: Bjarti V. Mørk – Heri Mohr, Heðin Hansen, Hørður H. Askham, Daniel Johansen – Stefan Radosavljevic, Dan í Soylu – Jákup L. Thomsen, Áki Samuelsen, Adrian R. Justinussen – Hilmar Leon Jacobsen
KÍ: Meinhardt P. Joensen – Jesper Brinck, Odmar Færø, Deni Pavlovic, Patrick Da Silva – Dávid B. Andreasen, Olaf K. Hansen, René S. Joensen – Mads Bo Mikkelsen, Páll A. Klettskarð, Jonn Johannesen
Hvør hálvleikur var 30 minuttir, og bæði liðini skiftu í seinna hálvleiki fleiri spælarar út.
