HB hevur í dag við 4-2 heimasigri á KÍ styrkt um oddasessin. KÍ tapið ber við sær, at klaksvíkingar framvegis eru botnlið. Fyri KÍ, sum tá ið støðan framvegis var 0-0 misýtti brotsspark, kom tað sjálvandi væl við, at 07 Vestur tapti á Svangaskarði, men teinurin til bjargingarsessin gjørdist longri, tí ÍF, sum er á 8. plássi, megnaði 2-2 á útivølli ímóti EB/Streymi.
NSÍ kiksaði orduliga á heimavølli ímóti AB, tí er munurin frá HB og aftur til næsta kappingarneytan øktur til fimm stig!
B68 vann 2-1 heimasigur á 07 Vestur. Toftamenn tykjast vera ógvuliga væl fyri. 2. hvítusunnudag fer B68 at fáa vitjan av HB, og sum tað sær út í løtuni eru toftamenn teir, sum kanska hava bestu vánirnar at taka oddaliðið.
Hjá meistarunum í EB/Streymi er lagið ikki gott. Fyri einari viku síðani eydnaðist tað bara at vinna eitt stig í Klaksvík, og í dag eydnaðist tað heldur ikki at vinna meiri enn eitt stig á heimavølli ímóti ÍF.
Fuglfirðingar søgdu seg vera vónsviknar, eftir at teir undan vindinum høvdu verið frammanfyri við tveimum málum.
Víkingur fær í annaðkvøld vitjan av B36. Um tað eydnast Víkingi at vinna fulla úrtøku, so verður Víkingur nýtt lið á næstovasta plássi.
9. umfar
HB-KÍ 4-2 (2-0)
1-0: Hans á Lag 41.
2-0: Andrew av Fløtum 45.
3-0: Páll Mohr Joensen 49.
3-1: Kristoffur Jakobsen 53.
4-1: Andrew av Fløtum 68.
4-2: Sørmund Kalsø 84.
EB/Streymur-ÍF 2-2 (0-2)
0-1: Andy Olsen br 23.
0-2: Dánjal á Lakjuni 36.
1-2: Levi Hanssen 56.
2-2: Brian Olsen 79.
NSÍ-AB 0-1 (0-1)
0-1: Jobin Drangastein 43.
B68-07 Vestur 2-1 (1-1)
1-0: Jóan Símun Edmundsson 15.
1-1: Jens Erik Rasmussen br 21.
2-1: Keita 58.
Í morgin kl. 19.00
Víkingur-B36
Støðan
HB +12 22 stig
NSÍ +5 17 stig
Víkingur +5 14 stig
B68 0 14 stig
EB/Streymur +4 13 stig
B36 -2 11 stig
AB -3 11 stig
ÍF -6 8 stig
07 Vestur -8 6 stig
KÍ -7 4 stig
Víkingur og B36 hava spælt 8 dystir og hini liðini 9 dystir.
10. umfar
Mánadagin 1. juni
ÍF-Víkingur
B68-HB
AB-B36
KÍ-NSÍ
07 Vestur-EB/Streymur
