Fyrru hálvfinalurnar í steypakappingini hjá kvinnum vóru leiktar í kvøld.
Undir Mýruhjalla á Skála vann KÍ 3-1 á Skála ÍF.
Birita Mohr og Karla Sjóstein syrgdu fyri, at KÍ var frammanfyri 2-0 í steðginum. Tíðliga í seinna hálvleiki fekk Sara Benjaminsen spenning í uppgerðina aftur, men løtu seinni skoraði Maria Vinjardsdóttir Johansen til endaliga úrslitið 3-1 til KÍ.
Sunnudagin 14. september verður seinna hálvfinalan leikt á vøllinum við Djúpumýrar í Klaksvík.
Skála ÍF-KÍ 1-3 (0-2)
0-1 Birita Mohr (9.)
0-2 Karla Sjóstein (36.)
1-2 Sara Benjaminsen (52.)
1-3 Maria Vinjardsdóttir Johansen (58.)
Í Sarpugerði í Norðragøtu vann HB greiðan 3-0 sigur á Víkingi. Tá ein tími var leiktur legði Silja Ragnarsdóttir Trier HB á odda 1-0, og í 82. minutti økti Fridrikka Clementsen (myndin) til 2-0. Í tíðini dómarin hevði lagt aftrat staðfesti Lisa Haraldsen sigurin.
Sunnudagin 14. september verður seinna hálvfinalan leikt á ovara vølli í Gundadali í Havn.
Víkingur-HB 0-3 (0-0)
0-1 Silja Ragnarsdóttir Trier (59.)
0-2 Fridrikka Clementsen (82.)
0-3 Lisa Haraldsen (90.+)
Kelda: dystir.fo
