dFyrsti dystur í fjórðingsfinalunum í kappingini um Løgmanssteypið er av. 2. deildarliðið Giza/Hoyvík tók ímóti HB. Ongin ivi var um, hvat av liðunum var stórfavorittur, men HB mátti arbeiða harðari enn væntað fyri sigrinum.
Hálvleiksstøðan var nevniliga 1-0 til Giza/Hoyvík. Longu aftaná 8 minuttir legði heimaliðið seg á odda. Ein langur bóltur varð spældur inn um verjuna, og fyrstur á bóltinum var Ahmed Keita. Einsamallur ímóti málinum sveik hann ikki, og so var 1-0 til Giza. HB kom til nógvar málmøguleikar og hevði so at siga alt spælið, men í fyrra hálvleiki vildi bólturin ikki inn.
Øðrvísi var tó í seinna hálvleiki. HB bleiv við at trýsta, og samstundis sum Giza-leikararnir byrjaðu at kenna møðina í beinunum, byrjaðu málini eisini at koma. Endaliga úrslitið gjørdist 4-1 til HB. Málini skoraðu Arnbjørn Hansen, Gunnar Haraldsen, Fróði Benjaminsen og Rógvi Holm.
Næstu tríggir dystirnir í steypakappingini eru í morgin. Dystirnir eru hesir:
ÍF-Víkingur
B36-EB/Streymur
NSÍ-AB
