Tað er lastbilaverkstaðið Gervi á Hjalla, sum umboðar bussarnar, sum eru av slagnum Iveco.
– Umboð fyri verksmiðjuna hava verið í Føroyum og roknað seg fram til, hvussu stór battarí bussarnir skulu hava, og so verða tey gjørd eftir tí, sum tørvurin er, segði Eyðbjørn Johansen hjá Gevi við Sosialin í síðstu viku.
Bussarnir eru gjørdir til at kunna koyra ein heilan dag við einari løðing, og skulu teir løða um náttina, so teir eru klárir at koyra næsta dag.
Bussurin hevur battaríini uppi á takinum, og talan er um stór battarí, sum eru 420 kW.
Bussurin er soleiðis serbygdur til rutuna, og sum skilst er tað soleiðis, at elbussar verða g jørdir, at teir verða skraddaraseymaðir til eina ávísa rutu.
Men elbussar eru dýrir, teir kosta umleið hálvaaðru ferðir so nógv, sum ein vanligur bussur.
Tað er HZ Bussar, sum røkir Bussleiðina í Havn. Tað var avtalað við Tórshavnar býráð, at tveir av bussunum, hesaferð bussarnir vóru skiftir út, skuldu vera elbussar.
Heðin Zachariassen, sum eigur og rekur HZ Bussar, hevur áður sagt við Sosialin, at báðir teir nýggju elbussarnir verða settir í koyring á leið 4, har tveir bussar eisini koyra nú, og sostatt er gjørt av at gera ta rutuna til eina royndarrutu.
##med2##
Tað er rutan, sum í hvøuðsheitinum koyrir á strekkinum millum Glasir, Gundadal, undir Brunni, Landssjúkrahúsið og Skúlan á Fløtum.
Heðin Zacharisen segði við Sosialin, at bussurin skal á pappírinum kunna koyra 340 kilometrar upp á eina løðing. Hann væntar tó ikki, at bussarnir fara at klára meira enn 240 kilometrar, og tað hevði hann verið nøgdur við.
##med3##
Í somu samrøðu segði Heðin Zachariassen eisini, at tá ið elbussarnir eru royndir í verki í eina tíð, verður málið so tikið uppaftur við Tórshavnar býráð fyri at fáa greiði á, um tað ein gongd leið at halda fram við elbussum. Og verður niðurstøðan, at hetta er ein gongd leið, skal ein leistur leggjast fyri, hvussu rutunetið hjá Bussleiðini kann byggjast út við elbussum.
