Tað er lagt upp til sera tætta kapping um FM heitið í kappingini millum 10-mannaførini. Havnarbáturin var fyrstur á mál í dag, og harvið verður tað ógvuliga spennandi í teimum báðum síðstu kappingunum ? í Miðvági og á Ólavsøku.
Tað var ógvuliga stórur spenningur undan startinum í dýrdarveðrinum. Onkur tjóðstartaði, og tí varð neyðugt við nýggjum starti.
Havnarbáturin leyp avstað, og síðani stýrdi hann kappingini, og á málinum var hann gott og væl leysur av Orminum, sum frammanundan hevði vunnið tríggjar av fýra róðrum.
Eysturoyingur og Vestmenningur vóru við fyri fyrstu ferð. Eysturoyingur bjóðaði av í startinum, men tað var skjótt, at guli báturin dragnaði, og so var talan um tvær kappingar: Havnarbáturin og Ormurin kappaðust um fremsta plássið. Í tí kappingini var munurin ein bátslongd og reiðiliga tað.
Í aftaru kappingini var Eysturoyingur fremstur.
1 Havnarbáturin 04:25.04
2 Ormurin 04:29.24
3 Eysturoyingur 04:41.14
4 Nólsoyingurin 04:49.11
5 Vestmenningur 04:56.01
1 Ormurin 33
2 Havnarbáturin 32
3 Nólsoyingurin 13
4 Eysturoyingur 5
5 Ormurin Langi (VK) 5
6 Vestmenningur 3
