Henda fyrrapartin fara rennarar úr øllum Føroyum at luttaka í Vetrarkappingini, sum hesaferð fer fram í Vágum.
Hetta er tann fjórða av tilsamans átta rennidøgum í Vetrarkappingini.
Byrjað verður klokkan 11.00 við kirkjuna í Sørvági, og runnið verður til Bíggjar. í Bø verður runnið omanfyri bygdina, og síðani sneiða rennararnir oman í bygdina, og hareftir gongur leiðin aftur til Sørvágs kirkju.
Hesin teinurin er umleið 9 kilometrar, men teir heilt ungu luttakararnir venda við hálvanannan kilometur.
Tað er felagið Frælsi, sum skipar fyri rennikappingini í dag.
Um so er, at onkur ikki hevur boðað frá luttøku enn, ber til at møta við SÍ-húsið klokkan 10.00, har til ber at melda til og fáa startnummar.
Les meira um tiltakið á heimasíðuna hjá Frælsum Ítrótti Føroya við at trýsta her
