Í rættiliga nógv ár hevur verið arbeitt við at fáa ein kirkjugarð í Hoyvík.
Og nú er tað loksins komið hartil, at spakin verður settur í jørðina.
Tað verður nú seinnapartin í dag, at fyrsta flagið verður loyst oman av í sambandi við arbeiðið at gera nýggjan kirkjugarð í Hoyvík, sigur Tróndur Sigurðsson, formaður í byggi- og býarskipanarnevndini hjá Tórshavnar Býráð.
Arbeiðið kostar einar fýra milliónir, tí tað er rættiliga nógv jørðarbeiði, av tí at tað skal drenast rættiliga væl áðrenn kirkjugarðurin kann takast í nýtslu.
Formaðurin í byggi- og býarskipanarnevndini sigur, at arbeiðið tekur gott tvey ár, áðrenn kirkjudagurin kann takast í nýtslu.
Í fyrstu syftu verður pláss fyr 200 leiðum, men tað er sum einki pláss fyri at byggja kirkjugarðin út til eini 500 leiði.
Kirkjugarðurin er omanfyri býlingin Inni á Gøtu. Hann er einar 900 metrar frá Hoyvíkar Kirkju, so tað fer at bera væl til at fylgja til gongu.
- Ætlanin er at gera ein hugnaligan kirkjugarð, ið minnir um eina lund, sigur Tróndur Sigurðsson.
