Hoyvíkar kirkja hevur fingið nýggjan messuakul sum gávu, sum verður tikin í nýtslu við hátíðargudstænastu í morgin.
Tað er danska vevkonan, Karen Dam, sum hevur gjørt grøna messuakulin til Hoyvíkar kirkju.
Karen Dam hevur gjørt nógvar messuaklar til danskar kirkjur, og hon hevur eisini verið í Føroyum og vitjað, nú hon fekk uppgávuna at gera ein messuakul til Hoyvíkar kirkju.
Messuakulin til Hoyvíkar kirkju er grønur á liti, og hevur tann latínska krossin aftanfyri og Sigmundarkrossin frammanfyri. Á messuaklinum eru eisini seks fiskar, ið eisini eru súmbol fyri kristindómin.
Grøni messuakulin verður serliga brúktur til hátíðargudstænastur, men eisini til onnur høvi, eitt nú altargongd.
Til hátíðargudstænastuna í morgin fer Jógvan Fríðriksson, biskupur, at prædika. Eisini eru prestarnir Sonja Klein og Ann Dahl Hansen við til gudstænastuna í Hoyvíkar kirkju klokkan 11 sunnudagin.
