18-ára gamli sjónleikarin Robert Knox varð dripin í nátt. 18-ára gamli Robert Knox, sum spældi Marcus Belby í sætta Harry Potter filminum ?Harry Potter og hálvblóðsprinsurin?, sum væntandi kemur út í november, varð stungin íhel uttan fyri eina barr í Suðurlondon leygarnáttina.
Orsøkin til drápið var, at Robert Knox royndi at verja lítlabeiggja sín, Jamie, ímóti at verða stungin, sigur telegraph.co.uk frá. Tað sigst, at brotsmaðurin, sum var vápnaður við tveimum knívum, ikki fór beinleiðis eftir Knox-beiggjunum; hann leyp bert á tilvildarligar kundar uttan fyri Metro-barrini, har hann var blakaður úr fyrr um kvøldið. Enska løgreglan hevur handtikið ein 21-ára gamlan mann fyri drápið.
Foreldrini hjá Robert og Jamie siga í einum tíðindum:
- Robert var ein fittur og umhugsin drongur, sum altíð vildi hjálpa øðrum ? hann brúkti altíð síðstu pengar sínar uppá onnur ístaðin fyri uppá seg sjálvan.
