Fýra bilar vóru við í einum ferðsluóhappi á Sundi í morgun. Tvey fólk vórðu flutt á Landssjúkrahúsið. (myndin er tilvildarlig)
Ferðslan var nógv móti Havnini í morgun, og bilarnir vóru tættir.
Við Sundsverkið steðgaði fyrst ein bilur, og bilurin aftan fyri hann náddi eisini at steðga. Men so kom tann triði og rendi inn í bilin framman fyri, so hesin varð skumpaður fram.
So kom ein bilur aftrat, rendi inn í bilin frammanfyri, og hesin varð so skumaður fram.
Ein í bili nummar tvey gramdi seg um pínu í nakkanum, varð løgd á børu og flutt á Landssjúkrahúsið.
Bilførarin í triðja bilinum fóru eisini við sjúkrabili á Landssjúkrahúsið til kanningar.
Hví alt hetta hendir, veit politiið enn ikki at siga.
