Hóast Hondbóltssambandið hevði meldað U23-kvinnulandsliðið til komandi Challenge Trophy-kappingina, er nú greitt, at Føroyar ikki sleppa við á hesum sinni.
Tilsamans høvdu 11 lond meldað til, og spælast skuldi í bólkum við fýra liðum í hvørjum, men nú eru so trý av londunum – Føroyar, Malta og Azerbaidjan – sáldað frá.
Kristian Johansen, formaður í Hondbóltssambandinum, væntar ikki, at henda avgerðin kann broytast, tí tað er hægsta starvsnevndin í EHF, sum hevur tikið hana.
Hondbóltssambandið hevur sent EHF mótmælisskriv við neyvt útgreinandi grundgevingum fyri, hví HSF metir tað vera alneyðugt hjá Føroyum at vera við í kappingini.
Hoyr samrøðu við Kristian Johansen við at trýsta á pílin undir myndini.
