Nevndin hevur skipað seg við Haraldi Símunarson Hammer sum formanni. Hann er býraðslimur í Sunda kommunu. Sylvia Thomsen úr Klaksvíkar kommunu er næstforkvinna.
Tað var uppskot á eykaaðalfundinum hjá SEV í morgun um at broyta bygnaðin soleiðis, at bara borgarstjórar úr størstu kommununum – og býráðslimur úr Tórshavnar býráð, skuldu veljast í nevndina saman við trimum serfrøðingum. Men tað uppskotið vann ikki frama á eykaaðalfundinum, har tað skuldu tveir triðingar av atkvøðunum krevjast til viðtøkubroytingar.
Hesi vórðu vald í nevndina hjá SEV á eykaaðalfundinum í morgun:
- Haraldur Hammer, Sunda kommuna
- Hans Kári Hansen, Sørvágs kommuna
- Heðin Mortensen, Tórshavnar kommuna
- Tórbjørn Jacobsen, Runavíkar kommuna
- Sylvia Thomsen, Klaksvíkar kommuna
- Winnie Kjærbo, Skopunar kommuna
- Arni Teindal, Fámjins kommuna
