Mátitólini hjá amerikanska jarðfrøðistovninum fóru heilt upp á 7,9 í nátt, tá ein jaðskjálvti skakaði stórar partar av Peru. Hóast miðdepilin í skjálvtanum var 145 kilometrar frá høvuðsstaðnum Lima, vístu tey jarðfrøðiligu mátitólini í býnum 5,9, og skjálvtin er eisini tann harðasti í Peru tey seinastu 50 árini.
Á middegi í dag søgdu myndugleikarnir, at 72 fólk vóru funnin deyð, og um leið 680 høvdu fingið skaða. Samstundis søgdu embætismenn, at talið á deyðum fór helst at veksa út á dagin.
Í Lima vóru ristingarnar so ógvusligar, at fólk tustu ræðslusligin út á gøtuna, og tað bøtti ikki um støðuna, at streymveitingin slitnaði. Í einum stórhandli kom eldur í, og fleiri hús rapaðu, tá nakrir eftirskjálvtar komu.
