Tað verður lagt upp til stórar framførslur og syngið-við løtur á Torginum á Summar Festivalinum.
Summar Festivalurin hevur í dag kunngjørt, at Hanus G. Johansen, Sámal Ravnsfjall og Kim Hansen fara at hava framførslur á útipallinum á Torginum.
Hanus G. Johansen spældi á teimum fyrstu tíggju Summar Festivalunum. Í fjør var Hanus ikki við, men nú er hann aftur til reiðar at verða við á landsins størsta tónleikatiltaki. Summar Festivalurin fegnast stórliga um, at Hanus nú verður við aftur á festivalinum í hansara heimstaði.
Sámal Ravnsfjall hevur luttikið á fleiri Summar Festivalum, og í ár fer hann at seta punktum fyri fríggjakvøldinum við framførslu á Torginum.
Kim Hansen hevur sum solistur ella tónleikari verið við á teimum flestu Summar Festivalunum síðani 2004. Í ár fer Kim Hansen at hava framførslu sum solistur á Torginum.
