Hans Pauli Strøm,landsstýrismaður við heilsumálum, mælir føroyingum til at fylgja tilmælinum frá landslæknanum, sum mælir frá at nýta grindahval sum mannaføði -Tá tilmælið frá okkara hægsta heilsufrøðiliga myndugleika er so mikið greitt, eiga vit at taka ráðini til eftirtektar, sigur Hans Pauli Strøm við útvarpið hjá Kringvarpinum.
Hann heldur ikki, at spurnartekn kann setast við tilmælið frá Høgna Debes Joensen, landslækna og Pál Weihe, yvirlækna, sum mæla føroyingum frá at eta grind, tí grindahvalurin, sambært tilmælinum er óegnaður sum mannaføði.
Hóast landsstýrismaðurin mælir til at fylgja tilmælinum frá landslæknanum, so leggur hann dent á, at tað má vera upp til sannføringina hjá hvørjum einstøkum, um hann vil fylgja ráðunum ella ikki.
Kelda: Kringvarpið
