24 telvarar høvdu melda seg til kappingina, og undan kappingini var Hans Kristian Simonsen favorittur at vinna. Hann livdi eisini upp til favoritrolluna, og vann rættiliga trygt. Honum á baki kom ungi havnarmaðurin Margar Berg, meðan tríggir telvarar endaðu javnir á triðja plássi. Her hevði Rógvi E. Nielsen bestu korrektiónina, so hann endaði á samlaða triðja plássinum.
