- Eg havi einki ímóti at verða á forsíðunum í bløðunum og verða brúktar til at selja bløð. Tað skal bara ikki verða fyri nakað, sum er ósatt, sigur Hans Fróði Hansen um grein í Dimmu í dag - Dimmalætting hevur eina grein um meg á forsíðuni í kvøld. Eg havi einki ímóti at verða á forsíðunum í bløðunum og verða brúktar til at selja bløð. Tað skal bara ikki verða fyri nakað, sum er ósatt. Hetta sigur Hans Fróði Hansen, sum kennir seg úthongdan í Dimmalætting, í skrivi til miðlarnar í kvøld.
Víðari sigur Hans Fróði Hansen.
- Yvirskriftin í Dimmalætting er beinleiðis skeiv. Felagið Kay Kay International er ikki farið á húsagang. Felagið hevur aðalfund í næstu viku, og har skal framtíðin hjá felagnum viðgerast. Eg harmist um, at eg skal verða hongdur út á forsíðuni á Dimmu á hendan hátt, sigur Hans Fróði Hansen og leggur afturat, at nýggja árið er skotið inn í Hollywood.
