So seint sum í gjár varð roknað við, at tann floksleysi borgarstjórin í New York, Michael Bloomberg, ætlaði sær at stilla upp til amerikanska forsetavalið næsta ár sum uttanflokkavalevni. Men so verður ikki kortini.
-Eg eri ikki valevni, og eg ætli mær at halda fram sum borgarstjóri, til valskeiðið endar í 2009, segði Bloomberg í gjárkvøldið.
Politiskir eygleiðarar í USA siga, at boðini frá tí umstrídda borgarstjóranum eru ikki greiðari enn so, at tað kann væl henda, at hann ætlar sær at stilla upp á forsetavalinum í 2012. Tað verður framvegis sum uttanflokkavalevni. Tann 65 ára gamli Michael Bloomberg hevur verið limur í bæði demokratiska flokkinum og republikanska flokkinum, men er farin úr báðum.
