Forsetin í Zimbabwe, Robert Mugabe, váttar, at løgreglan bukaði andstøðuleiðaran. -Ja, eg segði teimum, at hann bleiv bukaður av, men at hann hevði gott av tí, segði Robert Mugabe viðhaldsfólki, tá hann í gjár kom aftur av fundi við grannalondini.
Mugabe legði afturat, at eingin av stjórnarleiðarunum í grannalondunum hevði havt nakra viðmerking til hendingina.
Zimbabwiski andstøðuleiðarin, Morgan Tsvangirai, varð illa viðfarin, tá hann herfyri var í varðhaldi hjá løgregluni, so hann mátti á sjúkrahús, tá hann slapp úr varðhaldinum.
